Внимание, предрасуда е дека сите млади се луди, а сите стари мудри!

Во најновата анкета на „Внимание“ ги прашуваме граѓаните за изреката „Младост, лудост“: Дали сметаш дека сите млади се луди и незрели, а сите постари се мудри? Еве што велат граѓаните: „Дефинитивно, ние помладите поминуваме низ некоја фаза на лудост, ама сепак на крај, нели, созреваме, а не сите постари луѓе се созреани“, „Не, има некои млади што не се така толку луди, а дефинитивно и некои постари што не се зрели“, „Повеќето стари сметам дека се мудри, но има и доста млади што се зрели“, „Донекаде да, али не ваљда дека сите стари се мудри...“. Ги прашавме граѓаните и дали има временски рокови за важните одлуки во животот, потсетувајќи ги на изреката „стар си за да гледаш деца“. Еве што ни кажаа: „Сметам дека секој си има свој часовник за времето, без разлика на тоа колку години има...“, „Не треба да е предоцна, ама никогаш не си стар за да гледаш деца...“, „Не можеш ти на 60 години да родиш дете...“, „Мислам дека не, ама мислам дека е убаво деца да се чуваат на помлади години“... Ги прашавме граѓаните и следново: „Старите луѓе се заостанати, кукаат само по своите стари времиња“ – Дали ќе се спротиставиш на оваа предрасуда? Еве што ни кажаа: „Да, ќе се спротиставам бидејќи тие живеат во овој свет и одат со времето напред...“, „Да, затоа што има многу стари што се ОК... пратат трендови“, „Веројатно им фали младоста...“, „Не се едноставно адаптирани, на новите ствари што се дешаваат...“. Во најновата епизода на „Внимание“ граѓаните даваат инетересни согледби и за коментарот „Изгледаш одлично за своите години“ - Дали е тоа искрен комплимент или скриена предрасуда?