За да станеш добар писател треба да читаш многу книги

Оваа година на Фестивалот „Литера“ гостуваше Зејнеп Севде, водечка турска авторка на книги за деца и сопственичка на издавачката куќа „Тазе китап“. Во светот на литературата за деца, Зејнеп Севде е препозната како креативна сила која го збогатува и развива ова поле со своите високо оценети приказни. Кариерата ја започнува во 2001 година. Работи како известувач, уредник, преведувач, директор на издаваштво, автор на книги за деца и референт за авторски права во различни медиуми. Нејзината прва книга за деца е издадена во 2009 година. Досега има објавено над 15 книги за деца.