Брајов дисплеј, вештачка интелигенција, паметен стап - нови помагала за лицата со оштетен вид

Како изгледа секојдневието на едно слепо лице во 2026 година? Кристијан Лазарев, наставник по македонски јазик во Државното училиште за деца и младинци со оштетен вид „Димитар Влахов“, ги демонстрира современите технологии што ги користат учениците – Брајов дисплеј, читач за екран, уред за препознавање бои, вештачка интелигенција и паметен бел стап. Технологијата овозможува поголема независност во учењето, движењето и секојдневниот живот. Но, голем дел од овие помагала сè уште не можат да се купат во Македонија и не се локализирани на македонски јазик.