Бујар Османи Vs Александар Николовски - Некогаш партнери во Влада, денес остри противници

Бујар Османи: Вас ви е важно да имате антиалбански сентимент. Александар Николовски: Повторно одите на истата логика. Османи: Се ви е врзано со Косово и со Албанија. Николовски: Кога бевте во Влада, одите во село и им велите таму ви направивме пат и водовод. Ве прашуваат зошто нема струја, затоа што ВМРО и Груевски не даваат, срамота со оваа реторика да одиме. Османи: Ние денеска во овој ден кога имаме тројца еврокомесари, кога имаме позитивен извештај, имаме чиста препорака, целата реторика е Косово, Албанија и Албанците, тоа е опседнатоста. Николовски: Наша најголема грешка како ВМРО-ДПМНЕ е што ве оставивме, почитувајќи го правилото победник со победник, ве оставивме комуникацијата со Албанците остане само од страната на ДУИ и сите грешки кои ги имате внатре, си ги знаете, да ги покривате со ВМРО-ДПМНЕ. Тоа веќе нема да го дозволиме. Нема да дозволиме ВМРО-ДПМНЕ да е црн ѓавол помеѓу Албанците и да е оправдување за неуспесите на ДУИ. Османи: Во напредокот од последниот извештај Македонија е на прво место од сите земји од региониот вклучувајќи ја и Турција во политичките критериуми заради бустот што го даде Планот 3-6-9. Николовски: Господинот Османи е креативен, направи добар ПР потег и го крсти тоа 3-6-9 за да нема баук. Да ви кажам како се прават реформи против организиран криминал и корупција. Мерка што е реализирана и е реформа е потпишување на меморандум за размена на информации за потребите на истрагите помеѓу МВР, Јавното обвинителство и Основниот суд што им е работа на овие три институции затоа што законски така се регулирани односите.