Десетици илјади книги оштетени во поплавениот магацин на „Антолог“

Големото невреме што го зафати Скопје целосно ги поплави магацинските простории на издавачката куќа „Антолог“. Уништени се десетици илјади книги, оштетен е речиси целиот инвентар, а материјалната штета се проценува на неколку стотици илјади евра. Од „Антолог“ велат дека загубиле 27 години труд и дека за катастрофата, покрај обилните врнежи, придонела и нефункционалната канализациска инфраструктура. Во моментов најпотребни им се механизација, работна рака и институционална помош за расчистување на последиците.