Граничниот премин „Богородица“ останува затворен од грчка страна. Можен е недостиг на нафта.

Штрајкот на грчките земјоделци продолжува. Трае веќе две недели. Граничниот премин „Богородица“ останува затворен од грчка страна. Две недели трае и хаосот во информирањето на транспортерите. Речиси сите медиумите известуваат дека на Дојран поминуваат само патнички коли. Социјалните медиуми имаа инфо дека се пуштаат и камиони. Капак на хаосот се и информациите за можен недостиг на нафта. Откако е затворен нафтоводот, нафтата влегува главно преку „Богородица“. Цистерните со нафта сега бараат алтернативни премини. И дезинформациите и кружењето ќе не чинат пари. Цехот по обичај ќе го платат крајните корисници - граѓаните.