Избори 2016: Кој победи на изборите во Македонија и кој ќе формира влада?

Според првичните резултати на ДИК, најмногу мандати има ВМРО-ДПМНЕ 51, СДСМ има 49, ДУИ 10, Алијанската на Албанците 3 и ДПА 2. Груевски очекува тој да формира влада. Изјава Груевски: Мојата порака е дека треба бргу да формираме влада. Лидерот на опозицијата има друга математика. Тој очекува конечниот резултат да е 50:50. Изјава Заев: Првичните резултати од ДИК ги збунија граѓаните. Во шестата изборна единица имаме повеќе гласови... Главната дилема, сепак, не е кој има повеќе пратеници, туку кој има повеќе легитимитет да направи влада. Вкупните бројки велат дека за владејачките ВМРО-ДПМНЕ и ДУИ гласале вкупно 541.367, а за опозициските партии 612.582 гласачи, или преку 70.000 повеќе. Рокот за приговори по првичните резултати е 20 дена, а потоа следи период за меѓупартиски преговори. Новата влада тешко дека ќе биде изгласана во 2016 година.