Избори 2016: ТВ дебати

ТВ-дуелот на главните политички кандидати е дел од политичката култура во многу земји. Трамп и Клинтон во САД имаа три ТВ-дуели на последните избори. За многумина пресудно, за да го дадат својот глас, е кој кандидат бил подобар на дуелот. Гласачите во Македонија со години немаат таква можност. Уште се паметат жестоките дуели помеѓу Бранко Црвенковски и Љубчо Георгиевски од 1998 година. Од тогаш нема вистински соочувања меѓу главните кандидати. Никола Груевски е премиер од 2006 година. Ниту еднаш не се појавил на ТВ-дуел. Ниту на престојните избори главните политички актери од македонскиот и од албанскиот блок не се соочиле. Опозицијата бара дуели, власта ги избегнува.