Млади правници за поприлагоден систем за правда на деца

Деца жртви, деца во судир со законот и деца во ризик добиваат правна, психосоцијална и образовна поддршка преку проектот „Млади правници за поприлагоден систем за правда на деца“. Преку работилници за животни вештини, арт-терапија, грижа за животни и практични активности, младите учат самодоверба, трпение, ненасилна комуникација и планирање на иднината. Проектот, кој го спроведува Македонското здружение на млади правници во соработка со институциите, се залага и за воведување на Бернахус моделот – детски-пријателски систем во кој детето е во центарот на вниманието, а институциите работат координирано на едно место.