Поткаст ШУМ - Епизода #02 - Слаѓана Вујошевиќ

Во втората епизода од видео поткастот „Шум“, гостинка ни е телевизиската, театарска и филмска актерка, Слаѓана Вујошевиќ, која е дел од ансамблот на Турскиот театар, а нејзиниот глас ви е сосем препознатлив и од детската аниминирана серија „Светот на Биби“. Таа е дел и од видео кампањата на Види Вака за подигнување на свесност околу двојната виктимизација на жртвите на насилство, за апсурдноста зад обвинувањето на жртвите и опасноста од оправдување на ваквите чинови извршени од страна на насилниците. Разговорот опфати и теми поврзани со одредените модели на однесување, стереотипни гледишта со кои растеме на овие простори, какви сè уметнички содржини се пласираат и каков е ефектот што го имаат врз перцептивното ниво на поединецот. Слаѓана сподели повеќе и околу нејзиниот докторски труд и анализата на начинот на којшто дигитализацијата го менува филмскиот актер. Автор: Дино Чупевски Камера: Лоран Бајрами Монтажа: Тања Рибарска Графички дизајн: Матеја Николиќ Благодарност до Тео Ангеловски за отстапената дронска снимка (IG: @teoangelovski) и тимот на Зелена - Продавница за растенија (IG: @zelena.sk) Продукција: Види Вака во соработка со Атриум Скопје (IG: atriumskopje)