СДСМ како опозиција имаше остар став за обврската граѓаните да плаќаат ДДВ.

Законите, но и луѓето по се изгледа имаат две лица. СДСМ како опозиција имаше остар став за обврската граѓаните да плаќаат ДДВ. Од позиција на власт ја продолжија праксата на ВМРО-ДПМНЕ и го оставија прагот од 1 милион денари. За една година и економскиот експерт Бранимир Јовановиќ го смени мислењето. Она што според мене е проблематично во таа законска измена што се направи претходната година е кога се спушти прагот за плаќање на ДДВ од 2 милиони денари годишно на 1 милион денари. Проблемот тука е што се оданочуваат малите субјекти, оние што остваруваат мал промет т.е сиромашните со цел да се наполни буџетот, а не се оданочуваат побогатите. Бранимир Јованивиќ, економски аналитичар (март 2017) Кога влезе во власта ставовите му омекнаа. Тука нема никаква промена во изминатиот период, ова е отсекогаш од самото донесување на законот за ДДВ. Со оваа обврска да се плаќа ДДВ на прометот ако лицето остварува над 1 милион денари практично не се даночат сиромашните или најголем дел од луѓето , се даночат најбогатите 1% од луѓето. Бранимир Јованивиќ, советник во Министерството за финансии (јануари 2018)