Што може Скопје да научи од Јапонија 63 години по земјотресот

Поминаа 63 години од катастрофалниот земјотрес што го разурна Скопје. Но, дали сме подготвени доколку се случи нов? Амбасадорката на Јапонија во Македонија, Сецуко Кавахара, зборува за јапонските искуства од големите земјотреси, концептот „Build Back Better“, строгите градежни стандарди, едукацијата на граѓаните и технологиите што спасуваат животи. Во Музејот на современа уметност е поставена изложбата „Изградена средина: Алтернативен водич низ Јапонија“, која покажува како архитектурата и урбанизмот се приспособуваат на живот во земја изложена на земјотреси и други природни катастрофи.