Светот на креативните документарни филмови MakeDox oд 19 до 25 август во Куршумли Ан во Скопје.

Светот на креативните документарни филмови доаѓа во Скопје. Од 19 до 25 август во Куршумли Ан ќе се одржи осмото издание на MakeDox. Љубителите на документаристиката ќе имаат можност да уживаат во 68 филмови. Оваа година за MakeDox аплицираа 2.791 филм од 120 држави, но за среќа или за жал, не знам како, успеавме да вгнездиме само 68 во нашата програма така да имаме 68 филмови кои помалку користат говор, но повеќе раскажуваат со своите слики - Дарко Набаков, MakeDox. Заштитен знак на фестивалот е кромидот. Наградите во различните програми се кромид, млад кромид, кокарче и сечкан кромид. За нив ќе одлучува меѓународно жири од еминентни автори. Во главна програма имаме, како и секоја година, седум филмови. Фестивалот се отвора со „Со љубов“, македонски филм од Илија Цветковски - Петра Селишкар, Makedox. Боите на домашната документаристика ќе ги брани и „Планински кавијар“ на Јордан Дуков. Автентичниот амбиент во Куршумли Ан ќе биде збогатен со музичките изведби на Фолтин, Брина и Баклава. На платото пред Свети Спас секој ден ќе има филмска програма за деца, млади и фамилии. На фестивалот ќе се одржат работилници за визуелна нарација и камера и за фотографија.