Изградба на детска градинка во населено место Дексион - РАБОТНА ФАЗА

Во тек е работната фаза од изградбата на објект со површина од 900 м² и капацитет за 120 деца, проектиран според највисоки европски стандарди за безбедност, пристапност и енергетска ефикасност. Се реализираат градежни активности за уредување на современи занимални, централен хол и модерна кујна, како и надворешен простор со детски игралишта, зеленило и урбана опрема. Проектот предвидува примена на одржливи решенија преку вградување топлински пумпи и соларен систем, со цел намалување на трошоците и еколошки пристап во користењето на енергијата. Со завршувањето на објектот ќе се обезбедат нови места за прием на деца, ќе се намалат листите на чекање и ќе се отворат нови работни позиции. Инвестицијата изнесува 85.000.000 денари, обезбедена од Буџетот на Владата на Република Северна Македонија преку Министерството за социјала, демографија и млади.