Изградба на локална улица бр. 23 - Прелози во Зелениково - завршен проект

Општина Зелениково започна со реализација на проектот за изградба на локалната улица 23 во месноста Прелози – дел од село Зелениково каде во последниот период е забележан значителен пораст на интерес за домување и изградба на индивидуални станбени објекти. Проектот опфаќа изведба на патна инфраструктура на трасата што започнува од постојниот асфалтен пат кон село Градовци и завршува како слеп крак. Улицата, која досега беше во форма на земјен пат, добива тампонски слој од дробен камен со дебелина од 30 см, како и носив асфалтен слој БНХС со дебелина од 7 см. Покрај тоа, предвидени се обемни активности за решавање на одводнувањето, меѓу кои изградба на три армирано-бетонски цевасти пропусти ф1000, поставување на асфалтни риголи со рабници, како и вградување на пластични дренажни цевки ф100. Работите се веќе изведени до фаза пред асфалтирање. Проектот е финансиран од Владата на Република Македонија преку Министерството за транспорт и врски, во вредност од 2.837.006 денари. Со оваа инвестиција се овозможува нова, квалитетна патна врска која директно го поттикнува развојот на овој дел од општината и го подобрува квалитетот на живеење на идните жители. Проекти за трајна промена – темели за сигурна иднина. #ПроектиЗаТрајнаПромена #СигурнаИднина #МакедонијаСеРазвива