Изградба на водоводна и атмосферска канализација во с. Ласкарци - заавршен проект

Во село Ласкарци, Општина Сарај, се реализираше проектот „Изградба на водоводна и атмосферска канализација“, со вкупна инвестиција од 94.439.569 денари. Станува збор за инвестиција во основната комунална инфраструктура која има директно значење за секојдневниот живот на жителите. Со изградбата на новата инфраструктура се создаваат услови за подобро и посигурно водоснабдување, како и за поефикасно собирање и одведување на атмосферските води. За граѓаните тоа значи подобри услови за живот, пофункционална населба и инфраструктура која треба да одговори на потребите на локалната заедница на долг рок. Изградбата на атмосферската канализација е особено значајна за правилно одведување на дождовните води и намалување на проблемите со нивно задржување на јавните и сообраќајните површини. Истовремено, инвестицијата во водоводната мрежа создава основа за посигурна и поквалитетна комунална услуга за домаќинствата. 94,4 милиони денари се вложуваат во инфраструктура што граѓаните ја користат секој ден. Инфраструктура која можеби не е секогаш видлива, но е неопходна за нормално функционирање на секое населено место. Со реализацијата на вакви проекти се решаваат конкретни потреби на локалните заедници и се создаваат услови за понатамошен развој на населените места. Проекти за трајна промена – Нова енергија за ново забрзување. #ПроектиЗаТрајнаПромена #НоваЕнергија #НовоЗабрзување