ПРОЕКТИ ЗА ТРАЈНА ПРОМЕНА: Изградба на јавна површина со плоштад и пешачка патека - работна фаза

Проектот „Изградба на јавна површина со плоштад и пешачка патека“ во населбата Радишани, Општина Бутел, опфаќа уредување и трансформација на простор со површина поголема од 10.000 м² во современ, функционален и зелено уреден јавен простор. Со реализацијата на проектот се создава ново урбано јадро кое ги обединува функциите на плоштад, парк и пешачка зона, наменето за секојдневно користење од сите генерации. Во рамки на проектот се предвидува поплочување на јавните површини со квалитетни материјали, изградба на пешачки патеки, хортикултурно уредување со зелени површини, како и поставување урбана опрема, осветлување и содржини за одмор, рекреација и социјална интеракција. Просторот е проектиран да биде целосно пристапен, безбеден и функционален, со посебен акцент на естетиката, одржливоста и подобрување на квалитетот на урбаното живеење. Вкупната вредност на инвестицијата изнесува 20.003.060 денари, обезбедени од Буџетот на Република Северна Македонија преку Министерството за транспорт. Проектот претставува значаен чекор во насока на развој на современи јавни простори, унапредување на зелената инфраструктура и создавање подобри услови за живот во населбата Радишани. Проекти за трајна промена – темели за сигурна иднина. #ПроектиЗаТрајнаПромена #СигурнаИднина #МакедонијаСеРазвива