ПРОЕКТИ ЗА ТРАЈНА ПРОМЕНА: Основен проект за реконструкција на ул. Ѓорѓи Димитров - работна фаза

Проектот опфаќа темелна реконструкција на улицата „Ѓорѓи Димитров“, една од најфреквентните сообраќајници во општина Кисела Вода, со цел подобрување на безбедноста, функционалноста и проточноста на сообраќајот. Интервенцијата вклучува целосна замена на постојната коловозна конструкција, со поставување нова асфалтна подлога во два слоја – носечки слој БНС22 со дебелина од 7 cm и завршен слој АБ11 со дебелина од 5 cm. Дополнително, проектот предвидува реконструкција на тротоарите од двете страни на улицата, со ширина од 4 метри на десната страна и од 2 до 3 метри на левата страна, каде се поставуваат нови павер елементи. Зафатите опфаќаат и нивелирање и зајакнување на шахтите од фекалната и атмосферската канализација, со што се обезбедува долготрајна стабилност и издржливост на инфраструктурата. Инвестицијата изнесува 51.891.337 денари и претставува значаен чекор кон унапредување на урбаната инфраструктура, подобра мобилност и поквалитетно секојдневие за граѓаните на општина Кисела Вода. Проекти за трајна промена – темели за сигурна иднина. #ПроектиЗаТрајнаПромена #СигурнаИднина #МакедонијаСеРазвива