Реконструкција на Спортска Сала „Работнички“ - РАБОТНА ФАЗА

Реконструкцијата на спортската сала „Работнички“ во Општина Центар се одвива во работна фаза, при што објектот добива целосно нов лик и функционалност согласно современите спортски и технички стандарди. Проектот има за цел создавање модерен спортски центар кој ќе одговори на потребите на професионалниот и рекреативниот спорт. Во рамки на работната фаза се реализираат обемни градежни и инсталациони активности, вклучувајќи конструктивни интервенции, внатрешно уредување и поставување на современи технички системи. Салата располага со вкупна површина од околу 2.000 м², од кои 1.400 м² се наменети за спортскиот терен, а 600 м² за пропратни простории, административни содржини и сервиси. Проектираниот капацитет изнесува приближно 1.000 гледачи. Проектот опфаќа изградба и опремување на спортски објект со ФИБА LEVEL 1 стандард, со вградување на енергетски ефикасни системи за греење, ладење и вентилација, подно греење поврзано на градската топловодна мрежа, како и современо спортско осветлување со професионална фотометрија. Предвидено е поставување на квалитетен масивен спортски под, нова спортска опрема и целосно обновување на административните и придружните простории. Со реализацијата на оваа работна фаза се поставуваат темелите за функционален, безбеден и енергетски ефикасен спортски објект, кој ќе претставува значајна спортска и јавна инфраструктура во централното градско подрачје. Инвестицијата изнесува 120.000.000 денари и е обезбедена од Владата на Република Македонија преку Министерството за спорт. Проекти за трајна промена – темели за сигурна иднина. #ПроектиЗаТрајнаПромена #СигурнаИднина #МакедонијаСеРазвива