Санација и рехабилитација на сквер-јавна пешачка површина позади ТЦ Капитол - ЗАВРШНА ФАЗА

Во завршна фаза е санацијата и рехабилитацијата на јавната пешачка површина – скверот позади ТЦ Капитол во срцето на Општина Аеродром. Со овој проект, досега запуштениот простор доби комплетно нов, современ и функционален изглед кој одговара на урбаниот карактер на општината и потребите на жителите. Новото уредување опфаќа замена на постојните оштетени плочки со висококвалитетни гранитни плочи, поставување на урбана опрема како клупи, корпи за отпадоци и елементи за јавна употреба, како и монтажа на енергетски ефикасно осветлување со модерни LED канделабри. Скверот сега претставува пријатен, безбеден и достапен простор за секојдневни прошетки, дружење и одмор – атрактивна јавна површина наменета за сите генерации. Инвестицијата во износ од 45.987.100 денари, финансирана од Буџетот на Владата на Република Северна Македонија преку Министерството за транспорт, претставува успешен пример за трансформација на јавен простор кој ја подобрува функционалноста, визуелниот идентитет и квалитетот на урбаното живеење во Аеродром.