Санација на јужната трибина од фудбалски стадион Петар Милошевски – РАБОТНА ФАЗА

Во тек е санација на јужната трибина на стадионот „Петар Милошевски“ – нов лик за спортскиот дом на Битола Проектот за санација на јужната трибина на фудбалскиот стадион „Петар Милошевски“ во Битола се наоѓа во работна фаза. Се реализира реконструкција што опфаќа целосна санација на трибините, замена и зајакнување на кровната конструкција, како и реновирање на фасадите и внатрешните простории. Дополнително, се поставуваат нови седишта кои ги исполнуваат стандардите на ФИФА и УЕФА, со што стадионот се доближува до современите барања за меѓународни натпревари. Со инвестиција во вредност од 46.613.269 денари, овој проект има за цел да обезбеди поголема безбедност, зголемен комфор и функционалност за публиката и учесниците во спортските настани. Обновениот стадион ќе придонесе кон развојот на спортот во регионот, ќе понуди подобри услови за локалните спортски клубови и ќе го збогати спортскиот живот на Битола. Проектот е финансиран од Владата на Република Македонија. Проекти за трајна промена – темели за сигурна иднина. #ПроектиЗаТрајнаПромена #СигурнаИднина #МакедонијаСеРазвива