Поткаст #35 | Скопје без Рашче

Во депонијата на поранешниот Југохром со децении стои отпад со шестовалентен хром, токсична и канцерогена материја, на само триесетина километри од изворот што му дава питка вода на Скопје. Решение за Југохром постои. Зошто депонијата сè уште не е санирана и дали обидите да се заработи од опасниот отпад можат дополнително да го загрозат Рашче? Во новиот поткаст, хидрогеологот проф. д-р Златко Илијоски, кој со години го истражува загадувањето, објаснува какви решенија се можни и зошто економската корист не смее да биде водилка: „Гледајќи го тој економски бенефит, можеме да нанесеме многу поголема штета со загадувањето на подземните води.“ Разговараме и со Ива Петровска од Еко-свест, координаторка за еколошки жешки точки и дел од иницијативата „Спас за Рашче“, за тоа што досега побарале од институциите и зошто, според неа, нема веќе време за експериментирање. Погледнете го новиот поткаст на ИРЛ.