Инфлацијата падна. Зошто тогаш сè уште се чувствуваме сиромашни? | Видео сторија | ИРЛ

Крајот на месецот е сериозен предизвик за многумина чии плати ги снемува како што одминуваат деновите. Тогаш веќе се прават сите можни пресметки како да се задоволат основните потреби и да се издржи до следниот приход. Некои граѓани посегнуваат по заеми, кредити и минусни салда, а некои едноставно го исчекуваат следниот „први“ за нова плата или пензија. Ова стана сериозен проблем бидејќи трошоците за живот последните неколку години растеа побрзо од способноста на приходите да ги следат потребите на граѓаните. Инфлацијата забави, но цените не се вратија назад, туку останаа високи. Животот во последните четири кризни години поскапе за повеќе од една третина, а храната за над 50%. Растеа и платите, но и понатаму четворица од пет граѓани заработуваат под просекот, кој покрива само околу две третини од месечните потреби на едно семејство. Поради тоа, политичките изјави за подобрен животен стандард, пресметан математички, засега не се чувствуваат во реалниот живот. Читајте повеќе: irl.mk/inflaci-ata-padna-zoshto-togash-se-ushte-se-chuvstvuv...