Поткаст #36 | Младински движења низ Балканот: Албанија, Србија, Хрватска – а како е во Македонија?

Во Албанија младите протестираат против узурпацијата на природното богатство и спорните туристички инвестиции. Во Србија студентските протести прераснаа во масовно движење против власта, а во Хрватска илјадници граѓани излегоа на улиците поради еколошки скандал. И Македонија имаше протести. По трагедијата во Кочани, младите излегоа на улиците барајќи одговорност, но протестната енергија брзо стивна. Наместо одговори на нивните барања, дел од демонстрантите се соочија со навреди и етикетирања од претставници на власта, како и со закани, притисоци и напади на социјалните мрежи. Зошто младинските движења во регионот успеваат да одржат притисок врз институциите, а кај нас протестите тешко прераснуваат во трајни промени? Дали младите се апатични или разочарани од системот? Како политичките партии се обидуваат да ги контролираат или обесхрабрат граѓанските движења и каква улога имаат медиумите во сето тоа? За овие прашања во новиот поткаст на ИРЛ разговараме со Нора Калиќи, главна уредничка на МРТ2, и Умејр Мухамеди, адвокат и политички коментатор.