Каде се парите? #5 | Марко Бислимовски |

Претседателот на Регулаторната комисија за енергетика Марко Бислимовски во поткастот „Каде се парите“ откри кога се надева дека ќе се врати дневната евтината тарифа за домаќинствата. Тој потврди и дека нема да има зголемување на цената на електричната енергија, но зборуваше и за тоа дали е завршена енергетската криза и дали треба да се врати ддв – то за струјата на 18%. Тој исто така најави и кога ќе го имаме новиот модел на пресметка на ѓубретарината, чие утврдување на цената наскоро ќе премине во надлежност на Регулаторна. Потсети и дека заради тоа што ниту еден општински совет не сака да инвестира во водоводната мрежа, се губат огромни количества вода. Освен за ова, Бислимовски го видовме и во едно друго светло, она секојдневното, а се потсети и на неговите почетоци во приватниот сектор, каде што стекнатото искуство, но и пристап кон проблемите му помогна полесно тој и членовите на Регулаторната комисија полесно да се справуваат со енергетската криза. Поткастот се емитува вечерва, сабота, во 22 часот на Јутјуб каналот на www.pari.com.mk. Ова е последен поткаст во оваа пролетна полусезона, а со новите епизоди ќе стартуваме од септември. ______ Поткастот „Каде се парите?“ во продукција на порталот Пари (www.pari.com.mk) e новиот онлајн простор за дебати и потрага по одговори за актуелни економски и политички теми. Во едночасовниот разговор со внимателно одбраните гости, се нудат интересни информативни, аналитички и едукативни содржини. Домаќин и водител е долгогодишниот економски новинар Горан Теменугов. Поткастот се емитува на секои две недели. ____________ Следете нѐ на: Website: pari.com.mk/ Facebook: facebook.com/pari.com.mk Instagram: instagram.com/pari.com.mk Tiktok: tiktok.com/@pari.com.mk Youtube: youtube.com/@parimedium