Едно езеро, три држави, ист проблем: има ли уште време за Преспа?

Во изминатите шест децении Преспанското Езеро изгубило околу 60 проценти од својот воден волумен. Од 1963 година наваму, нивото на водата е намалено за речиси десет метри, а на одредени делови водната линија се повлекла и до три километри. Овие податоци не се само статистика – тие се јасен показател за сериозната еколошка криза со која се соочува еден од најзначајните природни бисери на Балканот.