Национализмот на Владата е апсурден и штетен за македонските интереси | Љубчо Георгиевски

Во ова издание на серијалот "Имаме неколку прашања за вас", во редакцијата на Рацин.мк, ни дојде господинот Љупчо Георгиевски, претседател на ВМРО Народна партија, поранешен премиер и активен учесник во годините на осамостојувањето на Република Македонија и во годините што потоа следуваа, кога Македонија освен што се осамости, почна да се развива и како демократска парламентарна држава со повеќепартиски систем. Во ова интервју тој се осврнува на односите со Бугарија, на евроинтеграциите, на односите со соседите, на состојбите во ВМРО-ДПМНЕ и на повеќе други прашања. Еве некои од поентите од интервјуто: - „Францускиот предлог“ ги поништи тезите за бугарски идентитет на Македонците. - Национализмот на актуелната влада е апсурден и штетен за македонските интереси. - Македонската почесна гарда повеќе се постројува на српски празници, отколку на македонски. - Актуелното раководство на ВМРО-ДПМНЕ е должник на Груевски за нивните позиции во партијата и државата. - Македонија се задолжува за да гради, а Бугарија, Романија, Грција, Хрватска... исто градат, ама градат со гратиси, со европски пари. - Ако си клекнат економски, можеш да раскажуваш приказни колку си јак во сувереноста. - Никола Груевски го доби од ВМРО ДПМНЕ тоа што тој ми го направи мене. - Во ВМРО-ДПМНЕ кон мене имаше многу голема емоција, потрајна емоција, отколку кон Груевски. - ВМРО-ДПМНЕ буквално за еден ден го продадоа Никола Груевски. - Суетите и стравот од враќање на Груевски кај лидерите на ВМРО-ДПМНЕ се големи.