Од урбанистички и од хуман аспект во Скопје се живее со стрес | Мишко Ралев, архитект

За ова издание на серијалот интервјуа „Имаме неколку прашања за вас“ што ги објавуваме на порталот racin.mk. го избравме Музејот на современа уметност како вистинско место за да го направиме разговорот со Мишко Ралев, архитект и професор на факултет за архитектура и дизајн на American College во Скопје. Познат лик во градот кој знае со своите мисли во врска со градот и во врска со пулсот на градот и неговото живеење, да ги претстави така за да ги добиваме најдобрите изнијансирани слики за тоа во каков град живееме. Со Ралев разговараме за тоа дали Скопје е по мерка на неговите граѓани, за Скопје 2014 како вирус во организмот на градот. Имаме и одговори на прашањата за политиката и архитектурата. Што е тоа што определува од таа врска, на политиката и архитектурата, дали ќе се изроди „франкенштајн“ или ќе се создаде дело во кое се споени убавината, духот на времето, фукционалноста.