„NE MOZEV DA STANAM MAJKA, PA ODLUCIV DA POSVOJAM“ | LIORA KASPI | RESET SUMMER '26

Добредојдовте во втората епизода од првата летна сезона на RESET. Имам чест да ви ја претставам Лиора Каспи. Таа е инспиративна жена, претприемач и главен инвеститор во Founder Games, проект кој ги поврзува стартапите со инвеститори и им помага своите идеи да ги претворат во успешни бизниси. Лиора ја запознав токму преку Founder Games, а уште при нашето прво запознавање почувствував дека нејзината животна приказна, искуство и вредности се нешто што заслужува да биде слушнато. Во истиот момент знаев дека таа е вистинската личност со која сакам да ја продолжиме летната сезона на RESET. Ова не е само приказна за посвојување. Ова е приказна за надежта, за љубовта која не се мери со биологија и за храброста да продолжиш понатаму кога животот не оди по планот што си го замислувал. Верувам дека разговорот со Лиора ќе ве потсети дека семејството не го создава само крвната врска, туку љубовта, посветеноста и изборот секој ден да бидеш нечиј дом. Оваа епизода ја снимивме во магичниот амбиент на Свети Наум, а огромна благодарност упатувам до тимот на ресторан Острово, кој се погрижи да имаме прекрасно издание и топло гостопримство. Верувам дека атмосферата, природата и искрениот разговор ќе ви донесат едно поинакво RESET искуство. Во месец јули учиме лекција - Мајчинството не е дефинирано од тоа како стануваш мајка, туку од љубовта што му ја даваш на детето. Со љубов, Нина