„NE SME CUVANI VO STAKLENO ZVONO“ | ANDREA ILOSKA HOTEL INEX OLGICA | RESET SUMMER '26

Добредојдовте во првата епизода од првата летна сезона на RESET. Велат дека летото е време кога сите забавуваме. Ние одлучивме да направиме нешто поинаку. Да излеземе од студиото, да ја смениме атмосферата и ова лето да ви подариме по една епизода секој месец. Разговори што ќе ве следат каде и да сте. Некои приказни започнуваат со привилегии. Оваа започнува со родители кои заминале во туѓина во потрага по подобар живот, со многу жртви, неизвесност и верба дека еден ден ќе создадат нешто свое. Во оваа епизода, Андреа Илоски првпат толку искрено зборува за љубовната приказна на нејзините родители, нивниот живот во Германија, враќањето дома и патот што довел до создавањето на хотелската приказна која денес ја знаеме како Инекс Олгица. Но, зборуваме и за тоа како е да растеш со големи очекувања, да ја носиш тежината на семејното наследство и да го пронајдеш сопствениот идентитет. Разговараме и за една многу лична битка. Нејзината одлука да го промени својот живот, односот кон себе и дисциплината што ја довела до целосна физичка и ментална трансформација. Разговор за семејството, љубовта, истрајноста и силата да се менуваш, без разлика во која фаза од животот се наоѓаш. Во месец јуни учиме лекција - Од чесна работа не треба никогаш да се срамиме. Со љубов, Нина