43 издание на Скопски Џез Фестивал

Четириесет и третото издание на Скопскиот џез фестивал и годинава го претстави најдоброто од светот на џезот и импровизираната музика. Девет светски етаблирани состави од САД, Европа и Македонија ќе ја претстават својата музика во Националната опера и балет и во МКЦ. Програмата, распоредена во четири вечери, е исклучително силна, инспиративна и исполнета со низа ексклузивни настапи на некои од најголемите имиња на современиот џез и креативната музика денес. Скопскиот џез фестивал е водечка културна манифестација, со извонредна репутација во Европа и светот. Со избор на авангардни и квалитетни имиња на изведувачи секоја година носи нова енергија во градот.