Џеко Јашароски, од емигрант до сопственик на мал бизнис во прилепската чаршија

Џеко Јашароски од Прилеп е успешен сопственик на мала продавница во прилепската чаршија, со големи планови за иднината. Ова е приказна за борбата, посветеноста и храброста на еден млад човек посветено да зачекори кон подобар живот. Сторијата за тоа како доколку се има вистинската визија пред себе и соодветна системска поддршка, може да се реинтегрира во општеството наспроти сите предизвици. Џеко по неколку години нелегален престој во Германија со неговото семејство, се вратил во земјава. Благодарение на средствата од Програмата за самовработување, поддржана од Регионалниот проект за реинтеграција на повратници, финансиран од ЕУ а спроведен од УНДП, тој успева да отвори свој мал бизнис во прилепската чаршија. Денес чаршијата е неговиот свет во кој се остваруваат сите негови амбиции.