Доц. д-р Билјана Костовска, три специјализации и над 40.000 операции во офталмологијата

Во светот на медицината, постојат професионалци кои не само што ги надминуваат техничките граници на својата професија, туку и ги кршат општествените стереотипи, градат мостови помеѓу науката и хуманоста, и остават длабоки траги, не само во операционите сали, туку и во животите на илјадници пациенти. Таков лик е доцент д-р Билјана Костовска – офталмохирург, визионерка и мајка, која 25 години посветено ја води својата професионална и лична приказна низ објективот на науката, емоцијата и континуираното учење. Во медицината, каде што секој потег може да значи нов почеток за нечиј живот, постојат имиња што не само што ја обликуваат професијата, туку и ја хуманизираат. Доцент д-р Билјана Костовска е единствената жена офталмохирург во земјава и регионот со три специјалности и повеќе од 40.000 изведени операции. Нејзината приказна е приказна за посветеност, истрајност и љубов кон професијата, но и за семејството, за жената во науката и за визијата што не познава граници.