„Глад“ - драма за микрокосмосот на сложенитечовечки емоции и односи

На 5 декември во Младинскиот културен центар во Скопје, ќе се одржа премиерната изведба на театарската претстава „Глад“, на авторскиот тим состоен од режисерката Хана Миленковска, драматургот Калија Киселички и композиторот Ади Имери. Овој спој на креативни млади луѓе ја поставија на сцена драмата што се занимава со ненаситноста и гладта, од емоционална и физичка гледна точка. Делото се стреми да посочи дека циклусот на гладта не е изолиран, туку дека всушност претставува една вечна борба на човекот и колективите.