Кој е најдобриот одговор на Внимание - прва половина на 2025?

Во првите шест месеци од оваа година, вашата омилена анкета ВНИМАНИЕ донесе многу смеење, искрени одговори и прашања што боцкаат. Ви благодариме што ја следевте оваа сезона – се гледаме наскоро со уште поинтересни епизоди, затоа што ТРН боцка и кога не сакате. Граѓаните ги прашавме: „Зошто имаме ден на пијаниците, а немаме ден на трезните?“ – „Затоа што народот цело време пие“, искрено ни одговори еден соговорник. Прашањето „Што би правеле ако дојде крајот на светот – ќе бегаме или ќе се криеме?“ предизвика едногласен одговор: – „И бегаме, и се криеме.“ Кога ги прашавме граѓаните за тетоважи, добивме навистина интересни одговори: – „Обожавателка сум на тигри и лавови, би истетовирала лав со ‘Македонија’ под него.“ – „Сакав да истетовирам оптичка илузија на мојот газ“, без влакна на јазик одговори друг граѓанин. А ние продолживме да боцкаме и со прашањето: „На колку години човек се откажува од секс?“ – Одговорите беа амбициозни: „над 60“, „на 70“… Во оваа сезона бевме и во Струга, каде прашавме: „Зошто како Струга – нема друга?“ – „И да има, што ќе ти е?“ – духовито ни одговори еден граѓанин. А на прашањето „На која возраст треба да се престане со излегување?“ – „После 26 – и право во пензија“, ни рече едно младо момче. Погледнете го видеото и уживајте во најдоброто од ВНИМАНИЕ оваа сезона. А наскоро ќе го откриеме и најдобриот одговор од оваа полусезона. Следуваат уште повеќе прашања што боцкаат.