Крушево, нашиот планински бисер

Крушево, градот во пазувите на Бушева Планина и единствениот планински град во Македонија и највисокиот град на Балканот, е сместен на надморска височина од 1.220 метри. Град на некогашната Крушевска Република, на споменикот Македониум. Некогашна престолнина на зографството,  копаничарството, фрескосликарството, на традиционалното градителство, на алафрангата. Град во кој се родени револуционери, поети, уметници. Дом на Никола Карев, Питу Гули, Никола Мартиновски, Васил Иљоски, Наум Наумовски Борче, Тоше Проевски и многу други. Крушево е врзано за македонската историја, култура и традиција. Но во исто време тој туристичко и културно богатство кое ги негува убавините во кои е сместено и кои ги поседува.