Мајските оперски вечери - врвна културна манифестација, единствена во регионот

Мајските оперски вечери, со својата 52-годишна традиција, се единствениот фестивал од овој тип во регионот кој доследно опстојува. На чело на овој престижен фестивал веќе шест години е директорот Васо Ристов. Благодарение на доброто менаџирање и визија, салата повторно е полна, а публиката на балетските и оперските претстави е значително подмладена и разнолика. Во изминатите неколку години, менаџерскиот тим успеа да ја обнови љубовта кон операта и балетот, враќајќи го интересот на младата публика. Мајските оперски вечери привлекуваат се повеќе млади луѓе, кои заедно со долгогодишните љубители на оваа уметност создаваат енергична и разновидна атмосфера.