Не сум веќе убава | Еднакви

Терминот “грижа за себе” денес е во криза. Жените го чувствуваат тој притисок. Меѓу овие нереални очекувања и маркетинг кампањите, многу е лесно да се видиме себеси како недоволно убави, недоволно слаби, недоволно привлечни... Што всушност значи нашата убавина според кои критериуми таа се утврдува? Се бориме за нашите основни потреби. За менталното и физичкото здравје. А од таму тргнува сè. Не забораваме колку тешко се стигнува до редовна психолошка помош во државни установи, затоа што тешко ја добиваме. Или колку пари ни требаат ако сакаме да направиме испитување за своето здравје, а мора да посегнеме по приватно здравство. Повеќето жени не можат да си ја дозволат ни основната грижа која им е потребна. Не само што се борат со товарот од тоа како треба да изгледаат, туку и со стресот од неможноста да се одржува благосостојбата... Во третото издание на серијалот видео колумни „ЕДНАКВИ со Ивана Јовановска“ тема е притисокот врз жените поврзан со стаднардите на убавина кои ги наметнува конзумеристичкото, патријархално општество. Серијалот видео колумни ЕДНАКВИ е во продукција на Трн. www.trn.mk