Прилеп, градот Херој!

Прилеп, градот под Парковите кули велат има историја стара колку што е стар и човечкиот живот во Пелагонискиот регион. Градот на Цар Самоил, кралот Волкашин и Крали Марко опишан во патописите на Евлија Челебија, бил дом на македонските преродбеници и учители Димитар Миладинов, Јордан Хаџи Костантинов - Џинот, Рајко Жинзифов, Григор Прличев, Кузман Шапкарев, Јосиф Ковачев и Марко Цепенков. Прилеп е еден од осумте одликувани града во СФР Југославија со орден на народен херој на Југославија на 7 мај 1975. Денес градот е културен центар во кој е сместен Институтот за старословенска култура, Центарот за современа ликовна уметност и можеби најпознатиот културен настан, Македонскиот театарски Фестивал „Војдан Чернодрински“. Благодарение на манастирите Зрзе, „Св. Архангел Михаил“, и „Трескавец“, каде се снимени дел од сцените на филмот „Пред дождот“ на Милчо Манчевски Прилеп е посетен од туристите. „Могилата на непобедените“, споменикот во чест на жртвите од фашизмот, уште еднаш го потврдува Прилеп како Град херој, кој е наша гордост, но и наша одговорност.