РеТрн со Стефан Спасов

Стефан Спасов е едно од највпечатливите млади имиња на македонската театарска сцена. Иако млад по години, тој веќе има што да покаже – особено со честата појава на сцената на Македонскиот народен театар, каде што има среќа и чест да игра во некои од најголемите претстави. Доаѓа од семејство кое живее и дише за театар – фамилијата Спасови. Заедно со својот брат, Стефан е дел од третата генерација актери во оваа уметничка фамилија. Очигледно, талентот и љубовта кон сцената се наследуваат. Дипломиран актер е, своето образование го стекна на Факултетот за драмски уметности (ФДУ) во Скопје, каде што ги постави темелите на својата професионална кариера. Со комбинација од талент, дисциплина и сценска харизма, Стефан Спасов е име кое дефинитивно треба да се следи. Овојпат, тој е и гостин во новата епизода на РеТрн – не ја пропуштајте!