Внимание: Граѓаните сакаат сончева наспроти замрзната Македонија

„Внимание“ ги праша скопјани „Дали снегот не изненади и годинава?“ – „Е, секоја година, нормално... Никогаш не се очекува во оваа тропска држава снег“, вели еден граѓанин. Граѓаните имаат и конкретни забелешки дека не биле исчистени тротоарите: „Овие што се од Комуналец, чистат лисја. Кога падна снег, лисја не чистат, значи, треба да чистат тротоари“. Прашавме и дaли граѓаните одат на зимување годинава, а повеќето граѓани одговорија негативно. „Не одам често на зимување, си седам дома, чаша какао, со баба и со мама“, вели една скопјанка. На прашањето „Што сакате повеќе - Сончева и топла Македонија или зимско-замрзната Македонија“, во снежен јануари граѓаните претпочитаат сончева и топла Македонија. „Ма, секогаш сончева и топла, Македонија... Сонцето е извор на живот, ете затоа“, вели една скопјанка. Ги прашавме и скопјани дали се сеќаваат на некоја песна за снегот, и дали можат да ни изрецитираат. Погледнете кои песни ни ги изрецитираа скопјани, во најновата анкета на „Внимание“.