Жените (работнички) во патријархатот | Еднакви

„Ние сме жени коишто живеат во патријархат. Овој систем, навидум невидлив, директно влијае врз нашите животи, од нашите избори до нашите права. Конзервативното општество има очекувања од нас жените и го диктира нашето постоење. Ние исполнуваме норми, правила и улоги што ни се наметнати уште пред да бидеме свесни за нив. Никогаш не сме прашани што навистина ни треба за да ги постигнеме нашите лични цели. Ние не сме само поединци, ние сме партнерки, мајки, колешки – улоги што мораме да ги исполнуваме пред да се погрижиме за себе. Нашите интереси и лични потреби честопати се на последното место, затоа што се очекува да бидеме во служба на некој друг...“ Во второто издание на серијалот видео колумни „ЕДНАКВИ со Ивана Јовановска“ тема е положбата на жените во конзервативното, патријархално општество. Серијалот видео колумни ЕДНАКВИ е во продукција на Трн. www.trn.mk