Планинари по четврти пат ја совладаа Првата македонска западна трансверзала

Планинари по четврти пат ја совладаа Првата македонска западна трансверзала. Најтешката патека е круна на македонското планинарство. Се протега на должина од 200 км, на надморска висина од над 2000 метри. Од пријавени 28 во извидничкиот центар во Охрид стигнаа 22 планинари. - Првите 5 дена сме во комплетна изолација, поаѓајќи од планинарскиот дом Љуботен, па сè до Маврово. Значи, се наоѓаме на надморска височина цело време над 2100 метри. Логистика не постои, значи логистиката е во ранецот, храна, шатори... - Зоран Тодоровски, Планинарско Друштво Трансверзалец. Оваа траса за прв пат била помината во 1974. Конфликтот во 2001 ја прекинал планинарската традицијата Во 2014 планинарското друштво „Трансверзалец“ повторно ја организираше оваа трансверзала - Услови постојат. Така што, потребна е само желба кај луѓево, без разлика на возраста. Да се пријават на тие акции. И на крајот, кога ќе се чувствуваат, физичко и ментално способни да се пријават и да ја освојат круната на планинарството, односно македонската западна трансверзала, првата - Зоран Тодоровски, Планинарско Друштво Трансверзалец.