Изградба на детска градинка во населено место Инџиково - РАБОТНА ФАЗА

Во населеното место Инџиково започна реализацијата на проект од суштинско значење за локалната заедница – изградба на нова современа детска градинка која ќе овозможи сигурно, стимулативно и прилагодено згрижување за 48 деца. Проектот претставува одговор на зголемените потреби за проширување на капацитетите за предучилишна грижа во Општина Гази Баба. Објектот е проектиран според највисоки стандарди за безбедност, енергетска ефикасност и пристапност, со вкупна изградена површина од 489 м² и бруто површина од 621,5 м². Предвидени се наменски простории за престој, учење, одмор и игра, санитарни јазли, технички и административни простории, кујна, како и внатрешен двор за надворешни активности. Дополнително, целосно е обезбеден пристап за лица со попреченост, со што се гарантира вклучување на сите деца, без разлика на нивните индивидуални потреби. Инвестицијата во износ од 47.508.811 денари е обезбедена преку Буџетот на Владата на Република Македонија, преку Министерството за социјална политика, демографија и млади. Со тоа се потврдува заложбата за континуирано унапредување на социјалната инфраструктура и создавање еднакви можности за секое дете, без оглед на местото на живеење. Со реализацијата на овој проект, не само што се подобруваат условите за ран детски развој, туку и се намалуваат листите на чекање за згрижување и се подига нивото на јавните услуги во општината. Проекти за трајна промена – темели за сигурна иднина. #ПроектиЗаТрајнаПромена #СигурнаИднина #МакедонијаСеРазвива