Изградба на дом на култура во населено место Петровец - работна фаза

Во тек е реализацијата на проектот „Изградба на Дом на култура во населено место Петровец“, со кој се создава нова и современа културна инфраструктура наменета за културниот и општествениот живот на локалната заедница. Објектот е проектиран како функционален простор за различни културни и општествени активности. На приземјето е предвиден сценски дел со гледалиште, со нето површина од 250 м², додека на првиот кат ќе има мултифункционална сала од 93 м², наменета за различни типови активности и настани. Со инвестиција од 30.168.664 денари, обезбедена преку Министерството за култура, проектот претставува вложување во унапредување на локалната културна инфраструктура и создавање услови за организирање културни настани, општествени активности и содржини достапни за граѓаните. Со завршувањето на изградбата, Петровец ќе добие нов простор за култура, собирање и заеднички активности, кој ќе создаде дополнителни можности за културен живот и развој на локалната заедница. Проекти за трајна промена – Нова енергија за ново забрзување. #ПроектиЗаТрајнаПромена #НоваЕнергија #НовоЗабрзување