Проект за доградба на 8 училници во ПООУ Димитар Поп Ѓеоргиев - Беровски - работна фаза

Во Општина Ѓорче Петров во тек е реализацијата на проектот „Доградба на 8 училници во ПООУ ‘Димитар Поп Ѓеоргиев – Беровски’“, со инвестиција од 31.000.000 денари, преку Министерството за образование и наука. Проектот предвидува изградба на 8 нови училници и околу 770 квадратни метри нов училишен простор, со што значително ќе се зголемат капацитетите на подрачното училиште во населбата Хром. Главната придобивка од доградбата е создавање услови за подобра организација на наставата и премин кон едносменска настава, што ќе овозможи учениците да добијат повеќе простор, подобри услови за учење и поквалитетно организиран училишен ден. Со проширувањето на училиштето се одговара на конкретната потреба за дополнителен простор и се создаваат услови за поефикасно користење на училишните капацитети. За учениците тоа значи повеќе простор за настава, подобри услови за престој и поквалитетна образовна средина, а за родителите и наставниот кадар – подобра организација на секојдневниот образовен процес. Проектот е дел од пошироките инвестиции во образовната инфраструктура во Општина Ѓорче Петров. Паралелно се реализираат доградби и во други основни училишта, со цел постепено создавање услови за едносменска настава на територијата на општината. Проекти за трајна промена - Нова енергија за ново забрзување #ПроектиЗаТрајнаПромена #НоваЕнергија #НовоЗабрзување