Реконструкција на улица „Воин Драшковиќ“ - завршен проект

Над 34,8 милиони денари за реконструкција на улица „Воин Драшковиќ“ во Ѓорче Петров Во Општина Ѓорче Петров се реализира проектот „Реконструкција на улица ‘Воин Драшковиќ’“, со вкупна инвестиција од 34.855.459,96 денари, преку Министерството за транспорт. Проектот претставува значајна инвестиција во локалната патна инфраструктура во населбата Хром и е насочен кон создавање подобри услови за секојдневно движење и функционирање на граѓаните. Со реконструкцијата на улицата се создаваат услови за побезбедно и поудобно одвивање на сообраќајот, подобар пристап до домовите и објектите и поквалитетно поврзување со останатата локална сообраќајна мрежа. Улицата „Воин Драшковиќ“ е дел од урбаната патна мрежа на овој дел од Ѓорче Петров и нејзиното унапредување има непосредно значење за жителите кои секојдневно ја користат. За граѓаните, инвестицијата значи подобрена патна инфраструктура, полесно секојдневно движење и подобар пристап за јавните, комуналните и останатите служби. Инвестицијата од речиси 35 милиони денари е вложување во инфраструктура која директно влијае врз квалитетот на живот, мобилноста и функционалноста на локалната заедница. Проекти за трајна промена - Нова енергија за ново забрзување #ПроектиЗаТрајнаПромена #НоваЕнергија #НовоЗабрзување