Поткаст #31 | Колку пријави можат да спречат фемицид?

Колку пријави во полиција се потребни за да се спречи фемицид? Во новиот поткаст „Постхумна реакција“ разговараме со Панче Тошковски, министер за внатрешни работи, Мирослава Симоновска, новинарка од Слободен Печат која ги истражуваше последните фемициди, и Неда Чаловска, адвокатка која работи на случаи на семејно насилство и го застапува семејството на Ивана и Катја Јовановски. Зборуваме за случаи каде насилството било пријавувано, а институциите не постапиле. За дела што се гонат по службена должност, но не биле гонети. И за систем што реагира постхумно.