Прва конференција за антиваксинг: Само мед

Што не знаеме за вакцините? Со хумор и сатира во поддршка на фактите. „Само мед - Прва конференција за антиваксинг“, под ова мото минатиот четврток се одржа лажната анти-ваксинг конференција во организација на Клубот за дискусии „Комедија“. Се разбира, ова не беше обична конференција, туку дел од напорите на популарните корисници на социјалните мрежи преку хумор да ја покренат свеста за влијанието на дезинормациите врз формирањето на мислењата на граѓаните. Насловот на конференцијата беше намерно провокативен, а темата е актуелната војна на информации која се води на сметка на колективниот имунитет. Клубот за диксусија „Комедија“ го претставуваа Јован Димитров, Калин Марковиќ - Масниот и Трајче Џиков, а свои излагања имаа и новинарката од Истражувачката Репортерска Лабораторија Сашка Цветковска која зборуваше за улогата на лажните вести од сферата на здравството и нивната злоупотреба во политичките информациски војни и д-р Никола Брзанов од Клубот на млади лекари кој што ги објаснуваше популарните митови за вакцините. Во продолжение погледнете го видеото од најинтересните комични настапи на дечките од Клубот за дискусии „Комедија“ кои освен што се активни на социјалните мрежи и препознаени по оригиналниот хумор, повеќето во професионалниот живот работат во креативните индустрии. Првата лажна антиваксинг конференција беше нивно прво „чедо“, а во иднина најавуваат нови дискусии на популарни теми со цел преку комедијата да се подигне свеста за опасностите и предизвиците во општеството. - Твитер инфлуенсер Јован Димитров на тема антиваксинг; - Трајко Џиков претставник од # смрттанахуморот на тема антиваксинг; - Профсероња Калин Марковиќ Масниот за антиваксингот; #АнтиваксингФорЛајф