„Што и да правиш, прави го умерено“ | ЕП04 НЕНАД ВРЖАЛСКИ | RESET

Денес во четвртата епизода на „RESET“ ни гостува активистот и музичар Ненад Вржалски. Со Ненад ја отворивме темата околу ситуацијата со Кочани, но и колку психолозите успеваат да постигнат и создадат удобен простор за отворање во најтешките моменти, да внесат надеж, љубов и верба кај семејствата кои ги изгубија своите најблиски. Пошироката јавност го памети како човек кој со полно срце се вклучи во активностите на „Support Kocani“, но кој е всушност Ненад? Тој вели дека освен за здравјето и фамилијата, за ништо друго не би пушти солза. Дали тоа го прави вистински маж или сепак си ја измачува душата? Последниве години креира нови музички дела и по некоја „случајност“ повеќето од нив завршуваат заклучени во фиока. Тоа значи дека таму лежи длабоката емоција која себично ја држи за себе и се плаши да не го изгуби „балансот“ во животот? „Што и да правиш, прави го умерено“, ќе рече Ненад Вржалски и тоа нека биде лекција број 3 од четвртата епизода на подкастот RESET. Со љубов, Нина